STUDIE ONTWIKKELING & REMEDIËRENDE HULPDIENS
sedert 1999!
Saamgestel om leerders te help om beter te presteer
Doelgerig
Volhoubaar
Beproef
Hartlik Welkom!
Die korttermyn doelwit van Vonnie-inleidend is om graad 1, 2 en 3 se spel, lees en leesspoed EFFEKTIEF en OPTIMAAL vas te lê, sodat graad 4 se leerwerk, makliker en vinniger hanteer kan word.
Indien die leerder ‘n lees agterstand in graad 4 toon, sal hierdie program steeds beduidende resultate tot gevolg hê, meet betrekking tot hierdie leerder se spel- en leesontwikkeling.
Die langtermyn doelwit van VONNIE-INLEIDEND is om ‘n liefde vir lees by die jong LEERDER te vestig en die blywende resultaat hiervan is sigbaar reg deur die LEERDER se skoolloopbaan en daarna tydens sy/haar tersiêre fase!
Aan alle LEERDERS wat nie die geleentheid gehad het om by ons praktyk in te skakel nie, bied ons nou die STUDIE ONTWIKKELING & REMEDIëRENDE HULPDIENS aanlyn.
Sedert 1999 was die STUDIE ONTWIKKELING & REMEDIëRENDE HULPDIENS deel van die OPVOEDKUNDIGE MULTI-DISSIPLINêRE SPAN te BLOEMFONTEIN, wat uit 12 spesialiste bestaan het: Arbeidsterapeut, Spraakterapeut, Opvoedkundige Sielkundige, Optometris, Oudioloog, Spelterapeut, Neuroloog, Lewenstyl Konsultant, Dieetkundige, Oor- Neus en Keel spesialis, Pediater en Opvoedkundige.
Dit is met die inisiatief van Dr. Emelde von Caues (Opvoedkundige) wat hierdie span die lig gesien het en leerders in die Vrystaat, Noord-Kaap en Noord-Wes bedien het.
Tans is die ouer en onderwyser se uitdaging groter as ooit: midde ons tegnologiese vooruitgang en huidige Covid krisis, word onderrig toenemend audiovisueel en die visuele leesaktiwiteit ly noodwendig skade, wat verreikende gevolge op breinontwikkeling het en sodoende akademiese navorsing destruktief kan beïnvloed.
Die VONNIE INLEIDENDE program bied die jong leerder opnuut (ook gedurende hierdie tyd van Covid 19) die geleentheid en uitdaging om klank-, spel-, lees- en leerontwikkeling optimaal te ontwikkel en u word hartlik uitgenooi om met Dr. Von Caues ( abc@drvonnie.co.za ) in verbinding te tree, sou u enige Opvoedkundig verwante vrae hê.
Die doel van die Opvoedkundige Programmatuur VONNIE is om Afrikaanse leerders vanaf hul Gr.1 jaar kognitief optimaal te ontwikkel ten einde bo gemiddelde lesers, effektiewe leerders en uiteindelik uitmuntende navorsers op tersiêre vlak te wees.
Die Engelse komponent van die program het ook ten doel om Engelse klank, spel, lees en leer aktiwiteite effektief vas te lê, ten einde die leerder ‘n beduidende voorsprong te gee vir die res van sy/haar skoolloopbaan, sowel as akademiese loopbaan.
Omdat Engels nie ‘n fonetiese taal is nie, sukkel die leerder met ‘n swak visuele geheue om die korrekte spelling van Engelse woorde te memoriseer. VONNIE INLEIDEND is daarop gerig om hierdie leerder te dwing om te fokus en die korrekte respons weer te gee.
VONNIE INLEIDEND (Gr.1 tot Gr.3) ontwikkel onder andere die volgende kognitiewe karakteristieke by die jong leerder deur middel van heelbreinbenadering:
Konsentrasie, deursettingsvermoë, akademiese selfbeeld, georganiseerdheid, noukeurigheid, oplettendheid, visuele geheue, verantwoordelikheid, selfstandigheid en selfvertroue.
VONNIE INLEIDEND bied aan die jong leerder ‘n uitdaging om telkens beter te presteer tydens elke respons (verwys DVD op webblad) van die spesifieke vlak van aktiwiteit.
Verskeie motiveringskomponente is dus ingebou om die leerder aan te moedig om die kleurvlak te verbeter, asook om sy persentasie (evaluering) met elke respons te verbeter.
Dit bied telkens uitstekende konsentrasie oefeninge, wat die leerder motiveer om hom/haarself te verbeter met elke respons, asook met elke afgehandelde aktiwiteit, waarna ‘n evalueringsverslag / rapport uitgedruk kan word.
Hierdie tipe oefening bied juis langtermyn verbetering van konsentrasie en geheue en ontwikkel die jong leerder se vermoë om LEES in al sy fassette (leesspoed, lees met begrip, soeklees, vluglees, selektiewe lees) optimaal te ontwikkel.
LET WEL: ‘n Leerder met ‘n leesprobleem in graad 3, het noodwendig ‘n leerprobleem in graad 4 en geen ekstra klasse, hulpklasse, spelterapie of psigoterapie sal ‘n leerprobleem regstel nie – die probleem lê by effektiewe lees, wat juis remediërende intervensie benodig.
Wanneer lees aangespreek word en intervensie toereikend geskied, geniet die leerder die voordeel van hierdie vaardigheid vir die res van sy/haar akademiese- en beroepsloopbaan.
Met die aanvang van die millennium en ‘n dekade of wat daarna, het onderrigsisteme staatgemaak op die sigwoordeskatmetode, om die jong kind te leer lees.
Leerders moes dus noodgedwonge op hul analitiese en sintetiese vaardighede staatmaak om te kan spel. Hulle moes derhalwe klanke saamvoeg ten einde woorde te vorm. Dit is egter van uiterste belang dat jong leerders sal besef dat dieselfde letterkombinasies in verskillende woorde, verskillende klanke vorm. Die leerder wat dus met die sigwoordeskatmetode geleer lees het, sal die woord wat hy ken, herken as “definisie”, maar hy sal nie definieer kan uitspreek indien hy dit nog nie geleer het nie.
Die klankmetode daarenteen, leer die jong leerder om deur middel van fonetiese klanke, enige woord uit te spreek en op hierdie wyse kan die leerder homself help, met woorde waaraan hy/sy nog nie voorheen blootgestel was nie. Hierdie metodiek handhaaf dus ‘n selfstandige en onafhanklike wyse van die leesaktiwiteit en jong leerders wat op hierdie metode geleer lees het, vorder vinniger, lees selfstandig, hul leesspoed is vinniger en hulle leer om met begrip te lees. Die klankmetode is dus beproef en word in alle opsigte voorgestel as metodiek vir jong leerders.
Die leerder met AKADEMIESE SELFVERTROUE, is juis die leerder wat GOED VOEL oor sy/haar prestasies en as gevolg daarvan ‘n goeie selfbeeld handhaaf.
Hierdie kinders is gelukkige kinders wat ook gewoonlik uitblink in sport en wat reeds vroeg in hul lewe ‘n gebalanseerde lewenstyl handhaaf.
‘n Gemeenskaplike kenmerk van hierdie leerders is, dat hulle leesspoed almal bo-gemiddeld is.
(Leesspoed vir matriek is tussen 260 en 280 woorde per minuut en ‘n graad 3 leerder behoort reeds 120+ woorde per minuut te handhaaf.)
Reeds van ‘n jong ouderdom af, vergelyk kinders hul prestasies met mekaar en ‘n negatiewe of swak selfbeeld is die direkte oorsaak van mislukking of ongewensde prestasie.
Indien ons dus daarin kan slaag om die leerder se leesvermoë effektief te ontwikkel, maak ons direk ‘n belegging ten opsigte van akademiese prestasie.
Die Vonnie-Ontwikkelingsprogram is ‘n heelbreinbenadering wat fokus op die jong leerder se optimale kognitiewe ontwikkeling en akademiese selfvertroue en is deur dr. Emelde von Caues saamgestel vir leerders:
- Wat ‘n hoë premie plaas op kognitiewe ontwikkeling
- Wat optimale konsentrasie wil ontwikkel
- Wat spel- en lees vaardighede wil ontwikkel
- Wat hul simbool/persentasie wil verbeter
- Wat ernstig is met hul akademie & toekoms, want spel is lees... en lees is leer
- Met leerprobleme
- Wat sukkel om te fokus/konsentreer as gevolg van spanning/konflik/psigo-trauma soos bv egskeiding of dood in die familie.
- Met aandagafleibaarheid (met/sonder hiperaktiwiteit) ATS (ADD) en / of ATHS (ADHD)
- Wie se ouers bekommerd is oor hul skoolwerk